ШTO ТРЕБА ДЕТЕТО ДА ЗНАЕ И ДА МОЖЕ НА ВОЗРАСТ ОД 6-7 ГОДИНИ

При водењето грижа за децата и работата со нив, важно е да се разбере нивниот развој. Невозможно е да се размислува како можете да ги исполните потребите на децата, доколку не знаете што се очекува од децата, на пример, во однос на размислување, комуникација и физички способности. На возраст од 6 или 7 години кај децата се забележува брз развој, бидејќи на оваа возраст се случуваат бројни трансформации со растот и развојот на детето.

Што треба да знае дете на возраст од 6 или 7 години:

• Имињата на родителите и блиските роднини, неговата возраст, датумот на раѓање, адресата на која живее, градот, државата, планетата;
• Професиите на своите родители;
• Деновите во неделата, месеците и сезоните;
• Имињата на разни диви и домашни животни, инсекти, птици, водни животни;
• Имињата на различни видови овошје и зеленчук, растенија, дрвја, цвеќиња;
• Приказни, стихови, песни;
• Геометриски фигури;
• Математичките знаци плус и минус  и за што се користат;
• Буквите и азбуката;
• Различни бои;

 Што треба да може да направи дете од 6 или 7 години:

• Да брои најмалку до 10 и обратно;
• Да ги препознава буквите;
• Да чита на слогови;
• Да прераскаже текст по правилен редослед;
• Да измислува приказни по дадена слика;
• Да разликува самогласки од согласки;
• Да може да се сконцентрира 30-40 минути;
• Да копира цртежи и движења;
• Да запамети до 10 предмети или слики;
• Да составува слагалки, да креира фигури со играчки за конструкција;
• Да црта и да биде јасно што е претставено на сликата;
• Внимателно да бои;
• Да моделира фигури од пластелин, да создава апликации и да умее да користи ножици.

Во однос на социјалниот и емоционалниот развој, детето на оваа возраст треба да:

• Може да создаде цврсти пријателства;
• Си даваат голема поддршка со другарчињата;
• Си играат сложени игри;
• Си игра во одвоени групи, девојчиња со девојчиња/момчиња со момчиња;
• Биде прилично независно и сигурно;
• Има зголемено чувство на моралност (исправно и погрешно);

Во однос на физичкиот развој, детето на оваа возраст треба да:

• Ужива да скока, да вози велосипед, ролери и да лизга;
• Ужива да држи рамнотежа на ѕид или греда;
• Подобро да ракува при играње со коцки, сложувалки итн.
• Може да врзува/одврзува врвци;
• Гради сложени модели;
• Пишува со молив на мала површина и да црта цртежи  со повеќе детали.